काठमाडौँ :नेपाल प्रिमियर लिग एनपीएल क्रिकेटमा आज कर्णाली याक्सले काठमाण्डु गुर्खाजविरुद्ध जितकालागि १५० रनको लक्ष्य दिएको छ ।

त्रिवि क्रिकेट मैदान कीर्तिपुरमा टस जितेर पहिले ब्याटिङ थालेको कर्णालीले निर्धारित ओभरमा ७ विकेट गुमाएर १४९ रन बनायो । उसकालागि गुल्शन झाले अविजित ४९ रनको योगदान गरे । पवन सर्राफले ३५ तथा मार्क वाटले ३० रन जोडे । बलिङतर्फ राशिद खानले सर्वाधिक २ विकेट लिए ।

४ मध्ये तीन खेल हारिसकेको कर्णाली याक्सलाई प्लेअफको सम्भावना जिवित राख्न बाँकी खेल जित्नुपर्ने दबाब छ ।पाँचमध्ये ३ खेल जितेको गोर्खाज पनि आज जित निकाल्दै प्लेअफको बाटो सुरक्षित गर्न चाहन्छ । गोर्खाज ६ अंकसहित तालिकाको तेस्रो स्थानमा रहँदा याक्स छैटौँ स्थानमा छ ।