एनपीएलमा आज कर्णाली र काठमाण्डु भीड्दै

आइतबार, मंसिर १४, २०८२

काठमाडौँ :नेपाल प्रिमियर लिग एनपीएल क्रिकेटमा आज कर्णाली याक्स र काठमाण्डु गुर्खाजबीच प्रतिस्पर्धा हुँदैछ ।

यी दुई टोलीबीचको खेल त्रिवि क्रिकेट मैदान कीर्तिपुरमा दिउँसो साढे ३ बजे सुरु हुनेछ । आफ्ना ४ मध्ये तीन खेल हारिसकेको कर्णाली याक्सलाई प्लेअफको सम्भावना जिवित राख्न बाँकी खेल जित्नुपर्ने दबाब छ ।

पाँचमध्ये ३ खेल जितेको गोर्खाज पनि आज जित निकाल्दै प्लेअफको बाटो सुरक्षित गर्न चाहन्छ । गोर्खाज ६ अंकसहित तालिकाको तेस्रो स्थानमा रहँदा याक्स छैटौँ स्थानमा छ ।

यसअघि लगातार पाँचौ जित निकाल्दै सुदूरपश्चिम रोयल्स प्लेअफ पुग्ने पहिलो टोली बनेको छ । रोयल्सले गत सिजनको विजेता जनकपुर बोल्ट्सलाई ६ विकेटले पराजित गर्दै लगातार पाँचौ जित दर्ता गरेको हो । बोल्ट्स भने चौथो हारसहित तालिकाको पुछारमा छ । 
 

प्रकाशित मिति: आइतबार, मंसिर १४, २०८२  १४:०९
प्रतिक्रिया दिनुहोस्