काठमाडौँ :लगातार पाँचौ जित निकाल्दै सुदुरपश्चिम रोयल्सल नेपाल प्रिमियर लिग एनपिएल को प्लेअफमा पुगेको छ ।

आज भएको दोस्रो खेलमा जनकपुर बोल्ट्सलाई ६ विकेटले हराउँदै गत संस्करणको फाइनलमा हारेको बदलासमेत लिएको छ । जितकालागि जनकपुरले दिएको १४६ रनको लक्ष्य सुदूरपश्चिमले १७.४ ओभरमा ४ विकेट गुमाएर भेट्टायो ।

सुदुरपश्चिमकालागि इशान पाण्डेले अर्धसतकिय पारी खेल्दै सर्वाधिक ५६ रनको योगदान गरे । बिनोद भण्डारीले ४२ तथा हरमित सिंले २५ तथा कप्तान दिपेन्द्र सिं ऐरीले १० रन बनाए ।

त्यसअघि त्रिवि अन्तर्राष्ट्रिय क्रिकेट मैदान कीर्तिपुरमा टस जितेर ब्याटिङ थालेको जनकपुरले निर्धारित २० ओभरमा ८ विकेटको क्षतिमा १४५ रन बनाएको थियो । उसकालागि सञ्जय कृष्णमूर्तिले सर्वाधिक ५०, जान निकलो लोफ्टी इटनले ३९ तथा आदित्य महत्ताले १५ रन जोडे ।

लगातार चाैथाे हार ब्यहोरेको जनकपुर ‘प्लेअफ’ को दौडबाट बाहिरिएको छ ।

आजै भएको पहिलो खेलमा लुम्बिनी लायन्ससँग पोखरा एभेन्जर्स ३ विकेटले पराजित भएको थियो ।