काठमाडौँ :बसिर अहमदले बिस्फोटक ब्याटिङ गरेपछि विराटनगर किंग्सले नेपाल प्रिमियर लिग (एनपीएल) मा कर्णाली याक्सविरुद्ध रोमाञ्चक जित निकालेको छ ।

त्रिवि क्रिकेट मैदानमा आज भएको दोस्रो खेलमा बिराटनगरले कर्णालीलाई ३ विकेटले हराएको हो । जितकालागि कर्णालीले दिएकोे १ सय ६१ रनको लक्ष्य विराटनगरले एक बल बाँकी छँदै सात विकेटको क्षतिमा पूरा गर्यो । ४३ बलको सामना गरेका अहमदले तीन चौका र तीन छक्का प्रहार गर्दै अविजित ६२ रन जोडे ।

नारायण जोशीले २५, सहिल पटेलले १९ तथा साम हेज्लेटले १६ रन जोडे । त्यसअघि टस जितेर पहिले ब्याटिङ रोजेको कर्णालीले निर्धारित २० ओभरमा तीन विकेट गुमाउँदै १ सय ६० रन बनाएको थियो । उसकालागि प्रियान्क पन्चाललेसर्वाधिक ६३ रनको योगदान गरे । जितसंगै बिराटनगरले ५ खेलबाट ८ अंक जोडेको छ ।

आजै भएको पहिलो खेलमा काठमाडौँ गुर्खाजले चितवन राईनोजलाई ५३ रनले रनले हराउँदै तेस्रो जित दर्ता गरेको छ । जितकालागि काठमाडौँले दिएको १४३ रनको लक्ष्य पछ्याएको चितवनले १७.२ ओभरमा सवै विकेट गुमाउँदै ८९ रन मात्र बनाउन सक्यो ।

चितवनकालागि रवि बोपरा र ,देव खनालले समान २१÷२१ रनको योगदान गरे ।