काठमाडौँ :नेपाल प्रिमियर लिग(एनपिएल) क्रिकेटमा काठमाडौँ गुर्खाजले तेस्रो जित निकालेको छ ।

त्रिवि क्रिकेट मैदान किर्तिपुरमा आज भएको खेलमा चितवन राईनोजलाई ५३ रनले हराउँदै तेस्रो जित दर्ता गरेको हो । जितकालागि काठमाडौँले दिएको १४३ रनको लक्ष्य पछ्याएको चितवनले १७.१ ओभरमा सवै विकेट गुमाउँदै ८९ रन मात्र बनाउन सक्यो ।

चितवनकालागि रवि बोपरा र देव खनालले समान २१-२१ रनको योगदान गरे ।  त्यस्तै सोहिल तानवीरले १८ रन बनाए पनि अन्य कुनै पनि ब्याटरले दोहोरो अंकको रन बनाउन सकेनन् ।

त्यसअघि टस हारेर पहिले ब्याटिङमा तानिएको काठमाण्डु १९.४ ओभरमा अलआउट हुँदै १४२ रनमा समेटिएको थियो । उसकालागि जोन सिम्पसनले सर्वाधिक ६० तथा मिलन्द कुमारले ३८ रन बनाएका थिए ।