काठमाडौँ :नेपाल प्रिमियर लिग (एनपीएल) क्रिकेटमा सुदूरपश्चिम रोयल्सले काठमाडौं गुर्खाजसामु १४८ रनको लक्ष्य पेश गरेको छ ।

त्रिवि क्रिकेट मैदानमा टस हारे पहिले ब्याटिङमा तानिएको सुदूरपश्चिमले निर्धारित ओभरममा सवै विकेट गुमाएर १४७ रन बनायो । उसकालागि हर्मित सिंले अर्धसतकिय पारी खेल्दै सर्वाधिक ५३ रनको योगदान गरे ।

२० बल खेलेका उनले ६ छक्का र दुई चौका प्रहार गरे । कुनै बेला १५ ओभरमा ६ विकेट गुमाएर ८० रनको अबस्थामा रहेको सुदुरपश्चिमको इनिङ हर्मितले नै उकासे ।

दिपेन्द्र सिं ऐरीले ३९ तथा  आरिफ शेखले २५ रन बनाए ।एशान पाण्डेले ११ रन बनाए ।  हेमन्त धामीले ३ तथा अविनाश बाहेराले १ रन बनाए । ओपनर जोस ब्राउन र विनोद भण्डारी दुवै शून्य रनमै आउट भए भने स्टार ब्याटर क्रिस लिनले पनि मात्र २ रन जोडे ।

स्कट क्रिस्टोफर कुग्गेलेइजन १ रनमा समेटिए ।

बलिङतर्फ करण केसीले सर्वाधिक ४ विकेट लिए ।