काठमाडौँ :आसाम विरुद्दकोे तेस्रो टी–२० सिरिजमा नेपाल ‘ए’ले १९७ रनको बलियो लक्ष्य पेश गरेको छ ।

भारतको गुहाटीमा टस हारेर पहिले ब्याटिङमा तानिएको नेपालले निर्धारित ओभरमा ६ विकेट गुमाउँदै १९६ रन बनायो । नेपालकालागि सन्दीप जोराले बिस्फोटक ब्याटिङ गर्दै ७४ रनको योगदान गरे । आदिल आलमले ३५,त्रीत दासले ३३ तथा कप्तान अनिल शाहले ३१ रन जोडे । शुभ कंसाकारले ८ रन बनाउँदा बसिर अहमदले १ रन जोडे । 

 नेपालले पहिलो खेलमा आसामसँग डील प्रणालीको आधारमा १५ रनको हार बेहोरेको थियो। दोस्रो खेलमा नेपाल ‘ए’ले आसामलाई ९६ रनले हराएको थियो।