काठमाडौं :इण्डियन प्रिमियर लिग (आइपिएल) २०२५ पछि राजस्थान रोयल्सका मुख्य प्रशिक्षक राहुल द्रविडले सम्झौता अन्त्य गरेका छन् ।

राजस्थानले जारी गरेको बिज्ञप्ती अनुसार द्रविडलाई फ्रेन्चाइजमा ठूलो जिम्मेवारीको प्रस्ताव दिइएको थियो, तर उनले यसलाई स्वीकार नगरेका हुन् । द्रविडको टिमसँगको सम्झौता बहु–वर्षीय भए तापनि, आइपिएल २०२५ मा टोलीको नवौँ स्थानमा खुम्चिएको थियो । फ्रेन्चाइजको बयानमा भनिएको छ, “मुख्य प्रशिक्षक राहुल द्रविडले आइपिएल २०२६ अघि आफ्नो कार्यकाल समाप्त गर्ने निर्णय गरेका छन् ।

राहुलले रोयल्सको यात्रामा केन्द्रिय भूमिका निभाएका छन्। उनको नेतृत्वले खेलाडीहरूको पुस्तामा सकारात्मक प्रभाव पारेको र टोलीको संस्कृतिमा नमिटिने छाप छोडेको छ।“ द्रविड सन् २०११ मा रोयल्समा खेलाडीको रूपमा प्रवेश गरेका थिए ।

२०१२ र २०१३ मा टोलीको कप्तानी सम्हालेका उनले त्यसपछि टोली निर्देशक र मेन्टरको रूपमा २०१४ र २०१५ मा फ्रेन्चाइजसँग जोडिएका थिए ।