काठडमाडौँ :साउथ अस्ट्रेलिया विरुद्दको एक दिवशीय क्रिकेटमा नेपाल दुइ विकेटले विजयी भएको छ ।

कप्तान रोहित पौडेल र सोमपाल कामीको उत्कृष्ट प्रदर्शनपछि नेपालले हारिसकेको खेल आफ्नो पक्षमा पारेको हो । जितकालागि साउथ अस्ट्रेलियाले दिएको २ सय ४३ रनको लक्ष्य पछ्याएको नेपालले ४४.१ ओभरमा ८ विकेट गुमाएर भेट्टायो ।

नेपालको जितमा कप्तान रोहित पौडेले शतकीय पारी खेल्दै सर्वाधिक १०२ रन बनाए । सोमपाल कामीले ३८ रन जोडे ।

कुनै बेला ३६ ओभरमा ८ विकेट गुमाउँदा १७२ रन मात्र बनाएर धर्मराएको नेपालको इनिङ यी दुई जनाले उकासे ।

त्यसअघि टस हारेर पहिले ब्याटिङ थालेको साउथ अस्ट्रेलियाले ४५ ओभरमा पूरै विकेट गुमाएर २ सय ४२ रन बनाएको थियो ।