hERO hERO

आसामलाई नेपाल ‘ए’ ले हरायो

शुक्रबार, भदौ १३, २०८२

काठमाडौँ :भारतको आसाम स्टेट टोलीविरूद्धको दोस्रो टी-२० खेलमा नेपालको ‘ए’ क्रिकेट टोली विजयी भएको छ ।

आज भएको खेलमा नेपाल ‘ए’ ले आसाममिाथि ९६ रनको फराकिलो जित निकालेको हो । जितकालागि नेपालले दिएको १७४ रनको लक्ष्य पछ्याएको आसाम १५.२ ओभरमा ७७ रनमा अलआउट भयो । आसामका लागि रुहिनन्दन पेगुले १७,  शिवशंकर रोयले १६ तथा आकाश सेनगुप्ताले १० रन जोडे । आसामलाई सस्तैमा समेट्ने क्रममा युवराज खत्रीले सर्वाधिक ४ विकेट लिए ।

त्यसअघि गुवाहाटीमा टस जितेर पहिले ब्याटिङ गरेको नेपालले ७ विकेटको क्षतिमा १७३ रन बनाएको थियो ।

नेपालका लागि सन्दीप  जोराले सर्वाधिक  ३५ रन बनाउँदा पवन सर्राफ र देव खनालले समान ३१ रन जोडे । आदिल अन्सारीले १४ रन जोडे भने बसिर अहमदले १६ बलमा २७ रन र विवेक यादवले ८ बलमा ३ छक्का  र १ चौका प्रहार गर्दै नटआउट २६ रन बनाए । जितसँगै नेपालले पाँच खेलको शृंखलामा १-१ को बराबरी गरेको छ । 

प्रकाशित मिति: शुक्रबार, भदौ १३, २०८२  १४:३३
प्रतिक्रिया दिनुहोस्