काठमाडौँ :न्युजिल्याण्ड र जिम्बावेबीचको दोस्रो तथा अन्तिम टेस्ट क्रिकेट खेल आजदेखि सुरु हुँदैछ।

पहिलो खेल ९ विकेटले जितेको न्युजिल्याण्ड सिरिज कब्जा गर्न खोज्दैछ भने जिम्बावे बराबरी गर्न दबाबमा रहेको छ।

खेलअघि न्युजिल्याण्डलाई चोटका कारण दुई झटका लागेको छ। मुख्य तेज बलर विल ओ’रूर्के पीठको चोटका कारण टेष्टबाट बाहिरिएका छन् भने अलराउन्डर नाथन स्मिथ पनि उपलब्ध छैनन्। कप्तान टम लाथमको फिटनेसबारे अझै अन्योल छ।

बुलावायोको पिच सामान्यतया ढिलो हुने गर्छ, तर पहिलो खेलमा तीव्र बलरहरूले प्रभाव जमाएका थिए। मौसम भने खेलभरि सफा रहने अनुमान छ।

पहिलो टेस्टमा जिम्बावे १४९ र १६५ रनमा समेटिएको थियो। न्युजिल्याण्डले पहिलो पारीमा ३०७ रन बनाउँदै १५८ रनको अग्रता लिएको थियो। जितका लागि ८ रनको लक्ष्य न्युजिल्याण्डले २.२ ओभरमै भेट्टाएको थियो।

न्युजिल्याण्ड टोलीमा मिचेल स्यान्टनर कप्तान रहेका छन् भने टम ब्लन्डेल विकेटकिपर छन्। अन्य प्रमुख खेलाडीहरूमा डेरिल मिशेल, रचिन रवीन्द्र, डेवोन कोन्वे, म्याट हेनरी र एजाज पटेल छन्।

जिम्बावे टोलीमा कप्तानी क्रेग एर्विनले सम्हाल्ने छन्। टोलीमा सिकन्दर रजा, सीन विलियम्स, ब्रायन बेनेट, ब्लेसिंग मुजारबानी र ब्रेन्डन टेलरजस्ता खेलाडीहरू छन्।