काठमाडौँ :नेपालले टेस्ट राष्ट्र आयरल्याण्डसंग सिरिज खेल्ने भएको छ ।

नेपाल क्रिकेट संघ (क्यान)का अध्यक्ष चतुरबहादुर चन्दले नेपालले निकट भविष्यमै आयरल्याण्डको सिनियर टोलीसंग सिरिज खेल्ने बताएका हुन् । सुदूरपश्चिम रोयल्सको डगआउट पोडकास्टमा चन्दले उक्त कुरा खुलासा गरेका हुन् । आयरल्याण्डसंग नेपालले कुन ढाँचाको सिरिज खेल्ने भन्ने विषय टुंगो लागेको छैन ।

भारतीय क्रिकेट बोर्ड (बीसीसीआई)ले निरन्तर सहयोग र पहल गरेको बताउँदै चन्दले भारतको ‘ए’ टोलीसँग सिरिज खेल्ने विषयमा पनि छलफल भइरहेको बताएका छन् । यसकालागि बीसीसीआईसंग एमओयू गर्ने क्यानको तयारी छ ।

श्रीलंका र बंगलादेशसँग पनि क्यानले निरन्तर कुराकानी गरिरहेको चन्दले बताएका छन् । ‘अफगानिस्तानले भने नेपाललाई खेल्न बोलाएको तर समय नमिलेको उनले बताए ।