काठमाण्डौ : वेष्टइन्डिज विरुद्धको टी–२० श्रृंखला पाकिस्तानले जितेको छ। आज भएको तेस्रो तथा अन्तिम खेलमा वेष्टइन्डिज घरेलु टोली पाकिस्तानसँग १३ रनले पराजित भयो। यस जितसँगै पाकिस्तानले तीन खेलको श्रृंखला २–१ ले आफ्नो पक्षमा पार्न सफल भएको हो।
लाउडरहिलमा टस जितेर पहिला ब्याटिङ गरेको पाकिस्तानले ४ विकेटको क्षतिमा १८९ रन बनायो। पाकिस्तानका साहिबजादा फरहानले सर्वाधिक ७४ रन बनाए भने साइम अयुबले ६६ रनको योगदान दिए।

वेष्टइन्डिजका जेसन होल्डर, रोस्टन चेस र शमर जोसेफले एक–एक विकेट लिए।

१९० रनको लक्ष्य पछ्याएको वेष्टइन्डिजले निर्धारित २० ओभरमा ६ विकेट गुमाएर १७६ रन मात्र बनाउन सक्यो। एलिक एथेनाजेले ६० तथा शेर्फेन रदरफोर्डले ५१ रन बनाए पनि टोलीलाई जित दिलाउन सकेनन्।

पाकिस्तानका हसन अली, मोहम्मद नवाज, हरिस रउफ, साइम अयुब र सुफियान मुकीमले समान १–१ विकेट लिएर जितमा योगदान गरे।

अब यी दुई टोलीबीच तीन खेलको एकदिवसीय श्रृंखला आगामी शुक्रबार, अर्थात् अगस्ट ९ बाट सुरु हुनेछ।