सोसल मिडिया
हाम्रो बारेमा
प्रयोगका सर्त
काठमाडौँ:म्यानचेस्टर टेस्टमा इंग्ल्याण्डका पूर्व कप्तान जो रुटले आफ्नो ब्याटिङ प्रतिभाले फेरि एकपटक सबैलाई चकित पारेका छन् । तेस्रो दिन १५० रनको उत्कृष्ट पारी खेल्दै उनले टेस्ट क्रिकेटको इतिहासमा नयाँ कीर्तिमान आफ्नो नाममा लेखाएका छन् ।
जो रुटले अब टेस्ट क्रिकेटमा सबैभन्दा धेरै रन बनाउने खेलाडीहरूको सूचीमा दोस्रो स्थान ओगटेका छन् । यस क्रममा उनले भारतीय दिग्गज राहुल द्रविड़, दक्षिण अफ्रिकी स्टार ज्याक कैलिस र अष्ट्रेलियन महान ब्याट्सम्यान रिक्की पोन्टिङलाई समेत पछाडि पारेका हुन् । रुटको नाममा अहिले करिब १३,३५० भन्दा बढी टेस्ट रन पुगेको अनुमान गरिएको छ ।
त्यति मात्र होइन, भारतविरुद्ध टेस्ट क्रिकेटमा सबैभन्दा धेरै शतक बनाउने विदेशी खेलाडीसमेत उनी बनेका छन् । उनले अहिलेसम्म भारतविरुद्ध १२ वटा शतक पुरा गरेका छन् ।
म्यानचेस्टर टेस्टको तेस्रो दिन इंग्ल्याण्डले आफ्नो पारीलाई बलियो बनाउँदै ५४४/७ रन बनाएको छ । कप्तान बेन स्टोक्स र लियाम डसन अविजित छन् । जो रुटको पारीकै कारण इंग्ल्याण्डले पहिलो पारीमा १८६ रनको ठूलो अग्रता बनाएको छ र अब २५० रनभन्दा बढीको बढत तर्फ उन्मुख देखिएको छ ।
भारतीय बलरहरूले शुरुवातमा केही सफलता पाए पनि रुट र स्टोक्सको साझेदारीले सबै योजना विफल बनाइदिएको छ । जसप्रीत बुमराह र अंशुल कंबोज जस्ता प्रमुख बलरहरू प्रभावहीन देखिएका छन् भने स्पिनर वाशिंगटन सुन्दर र रविन्द्र जडेजाले केही हदसम्म विकेट लिने जिम्मेवारी सम्हालेका छन् ।
जो रुटले हालैका वर्षहरूमा निरन्तर उत्कृष्टता देखाउँदै आफूलाई टेस्ट क्रिकेटको सबैभन्दा भरोसायोग्य ब्याट्सम्यानमध्ये एकको रूपमा प्रमाणित गरिरहेका छन् । म्यानचेस्टर टेस्टमा उनले जसरी दबाबमा रहँदै संयमित ब्याटिङ गरे, त्यसले अझै धेरै वर्ष उनी इंग्ल्याण्डको लागि महत्त्वपूर्ण आधार बन्ने संकेत गरेको छ ।
जो रुटले बनाएका किर्तिमानहरु:
