सोसल मिडिया
हाम्रो बारेमा
प्रयोगका सर्त
काठमाडौं : नेपाली राष्ट्रिय क्रिकेट टोलीका पूर्व मुख्य प्रशिक्षक मोन्टी देसाई नेपाल प्रिमियर लिग (एनपीएल) को दोस्रो संस्करणका लागि काठमाडौं गोर्खाजको मुख्य प्रशिक्षक बनेका छन् ।
काठमाडौंले आफ्नो सामाजिक सञ्जालमार्फत देसाईलाई प्रमुख प्रशिक्षकको जिम्मेवारी दिएको जानकारी दिएको हो । एनपीएलको पहिलो संस्करणमा बसन्त शाही ठकुरी काठमाडौंको प्रशिक्षक थिए ।
देसाईले नेपालप्रति आफ्नो विशेष लगाव रहेको भन्दै टियु क्रिकेट मैदानमा समर्थकसँग पुनः भेट हुन पाउँदा उत्साहित भएको बताएका छन् ।
काठमाडौंले यो संस्करणका लागि कप्तान तथा मार्की खेलाडीको रुपमा करण केसीसहित भीम सार्की, राशिद खान, दीपेश कंडेल, शाहब आलम र प्रतिक श्रेष्ठलाई टिममा कायम राखेको छ ।
पहिलो संस्करणमा काठमाडौंले ७ मध्ये ४ खेल जितेर तालिकाको पाँचौं स्थानमा चित्त बुझाएको थियो ।
