काठमाडौँ :आईसीसीको नयाँ टेस्ट ब्याटिङर्‍याङकिङमा उल्लेखनीय परिवर्तन देखिएको छ। इंग्ल्यान्डका अनुभवी ब्याट्सम्यान जो रुट फेरि एक पटक नम्बर १ मा फर्किएका छन् भने भारतका युवा प्रतिभा यशस्वी जायसवालले पहिलोपटक टप–५ मा स्थान बनाएका छन् ।
यी हुन आईसीसीको नयाँ टेस्ट ब्याटिङ र्‍याङकिङ मा परेका शीर्ष पाँच खेलाडी 
जो रुट – इंग्ल्यान्ड (८८९ अंक)
जो रुटले फेरि प्रमाणित गरेका छन् कि टेस्ट क्रिकेटमा उनी विशेष श्रेणीका खेलाडी हुन्। पाकिस्तानविरुद्ध २०२४ मा मुल्तान टेस्टमा देखाएको उत्कृष्ट प्रदर्शनको आधारमा उनी ८८९ रेटिङ अंकसहित पहिलो स्थानमा पुगेका छन्। हाल उनी भारतविरुद्ध एजबेस्टनमा टेस्ट शृङ्खला खेलिरहेका छन्।
 हैरी ब्रूक – इंग्ल्यान्ड (८७४ अंक)
भारतविरुद्धको हालैको टेस्ट शृङ्खलामा शानदार प्रदर्शन गरेका हैरी ब्रूकले दोस्रो स्थानमा छलाङ मारेका छन्। आक्रामक र संयमित ब्याटिङले उनलाई चर्चामा ल्याएको छ। २०२४ मा न्यूजिल्याण्डविरुद्ध वेलिङ्टन टेस्टमा पनि उनले उत्कृष्ट पारी खेलेका थिए।
 केन विलियमसन – न्यूजिल्याण्ड (८६७ अंक)
शान्त र स्थिर शैलीमा ब्याटिङ गर्ने केन विलियमसन ८६७ रेटिङ अंकसहित तेस्रो स्थानमा छन्। २०२१ मा पाकिस्तानविरुद्ध क्राइस्टचर्च टेस्टमा ९१९ अंकसम्म पुगेका विलियमसनले निरन्तर राम्रो प्रदर्शन गर्दै आएका छन्।
 यशस्वी जायसवाल – भारत (८५१ अंक)
भारतका उदाउँदा ब्याट्सम्यान यशस्वी जायसवाल पहिलोपटक टप–५ मा पर्न सफल भएका छन्। २०२४ मा अस्ट्रेलियाविरुद्ध मेलबर्न टेस्टमा गरेको प्रभावशाली प्रदर्शनले उनलाई यो स्थान दिलाएको हो। हालै इंग्ल्यान्डविरुद्धको टेस्ट शृङ्खलामा पनि उनले उत्कृष्ट शतक प्रहार गर्दै आफ्नो क्षमता प्रमाणित गरेका छन्।
स्टीभ स्मिथ – अस्ट्रेलिया (८१६ अंक)
टेस्ट क्रिकेटका अनुभवी खेलाडी स्टीभ स्मिथ पाँचौं स्थानमा छन्। यद्यपि उनको करिअरको उच्चतम रेटिङ ९४७ अंक (सन् २०१८ मा दक्षिण अफ्रिकाविरुद्ध डरबन टेस्ट) हो। पछिल्ला केही खेलहरूमा प्रदर्शनमा गिरावट आए पनि उनी अझै पनि टप–५ मा अडिएका छन्।