काठमाडौँ :एसीसी यू–१६ इस्ट जोन कप क्रिकेटको उपाधि जित्न नेपाललाई सिंगापुरले ११४ रनको मध्ययम लक्ष्य प्रस्तुत गरेको छ ।

मलेसियाको एसडी युकेएम ओभल, बांगीमा टस जितेर पहिले ब्याटिङ थालेको सिंगापुर ४०.५ ओभरमा ११४ रनमा अलआउट भयो । उसकालागि रोहन अस्टिन अरुणले सर्वाधिक २३ रनको योगदान गरे ।

कप्तान  रियान नाइकले १५ ,वेदांश गुप्ताले १२ तथा आकाश तेजाले १० रन बनाए ।  आरभ अग्रवाल  र युवान पाण्डेले समान ९–९ रन जोडे ।

सिंगापुरलाई सस्तैमा समेट्ने क्रममा बलिङतर्फ नेपालका शुसिल बहादुर रावल र अभय यादवले समान ३ विकेट लिए । शुभम खनालले २ तथा बिपीन शर्माले १ विकेट हात पारे ।