काठमाडौं :  गत सिजनको च्याम्पियन जनकपुर बोल्टले एनपीएलको नयाँ संस्करणका लागि ७ खेलाडी रिटेन गरेको छ।

टिमले मार्की खेलाडीको रुपमा विकेटकिपर ब्याटर आसिफ शेखलाई रिटेन गरेको छ।

त्यस्तै, कप्तान अनिल साह, भरपर्दा ब्याट्सम्यान शुभ कंसाकार, स्पिनर ललित राजवंशी, युवा पेसर किशोर महतो, अलराउन्डर तुलबहादुर थापा मगर र चोटपछिको कमब्याक गर्दै मैदान फर्कन लागेका रुपेश सिंह पनि रिटेन्सन सूचीमा परेका छन्।

पछिल्लो सिजन चोटका कारण बाहिर रहेका रुपेशको स्थानमा टिमले मयन यादवलाई खेलेको थियो। अब भने राष्ट्रिय टि–२० टोलीमा डेब्यु गरिसकेका रुपेश फुल फोर्समा फर्किने तयारीमा छन्।

एनपीएलको नियम अनुसार, एक मार्की खेलाडीसहित ७ खेलाडी सम्म रिटेन गर्न पाइन्छ। जनकपुरले अनुभव र युवा जोशको सन्तुलन मिलाउने रणनीति अपनाएको देखिन्छ।

गत सिजन सुदूरपश्चिम रोयल्सलाई फाइनलमा हराउँदै उपाधि जितेको जनकपुर, यसपटक पनि ट्रफी रक्षा गर्न तयार देखिन्छ।

अब ध्यान अगस्टमा हुने मिनी अक्सनतर्फ लाग्नेछ। बाँकी टिमहरूको अन्तिम स्वरूप त्यहीँबाट तय हुनेछ।

👉 चितवन राइनोजदेखि कर्णाली याक्ससम्म सबै फ्रेन्चाइजहरूले आफ्नो रिटेन्सन सूची सार्वजनिक गरिसकेका छन्।