काठमाडौँ :नेपाली क्रिकेट टोलीका कप्तान रोहित पौडेलसँगको तस्बिर फेसबुक कभरमा राख्दै चर्चित अन्तर्राष्ट्रिय खेल समालोचक एन्ड्रयु लियोनार्डले एउटा रहस्यमयी पोस्ट गरेका छन्, जसले सामाजिक सञ्जालमा तरंग ल्याएको छ।

लियोनार्डले लेखेका छन्,

"अझ व्यस्त र नाटकीय केही हप्ता कल्पना गर्न सक्दिनँ, बुधबारको ठुलो घोषणा अझ बाँकी नै छ। तपाईंहरू सबैलाई निरन्तर समर्थनका लागि धेरै धन्यवाद।"

यो भनाइसँगै उनले रोहितसँग खिचिएको तस्बिर सेयर गरेका छन् — जसमा दुबै गम्भीर मुद्रामा देखिन्छन्। यति हुँदा हुँदै अब प्रश्न उठ्न थालेको छ — "के रोहित पौडेल क्रिकेटबाट सन्यास लिन लागेका हुन्?"

लियोनार्डको पोस्ट :

क्रिकेट प्रेमीहरू चिन्तित, अनुमानहरू अनेक
कतिपय क्रिकेट समर्थकहरूले यो कुनै ठुलो अन्तर्राष्ट्रिय परियोजनासँग सम्बन्धित भएको अनुमान गरेका छन् भने, अन्यले यसलाई नेपाली क्रिकेट भित्रैको कुनै ठुलो परिवर्तनसँग जोडेर हेरिरहेका छन्। कतिपय त सोधिरहेका छन् — "के रोहितले कप्तानी छोड्न लागेका हुन्? कि उनी विदेश जान लागेका छन्?"

यसबिच, लियोनार्डले अन्त्यमा नेपाली भाषामा "धन्यवाद" लेखेका छन्, जसले उनको नेपाली क्रिकेटप्रतिको माया र आत्मीयता झल्काउँछ।

बुधबारसम्म प्रतीक्षा, तर सन्देश गहिरो
बुधबार आउने भनिएको "ठुलो घोषणा" के हो भनेर पुष्टि नभए पनि, रोहितसँगको फोटो र लियोनार्डको टोन हेर्दा त्यो सामान्य कुरा नहोला भन्ने धेरैको धारणा छ।

अब सबैको ध्यान बुधबारतिर मोडिएको छ —
"के रोहितले क्रिकेटबाट सन्यास लिँदै छन्?"
"कि नेपाली क्रिकेटलाई नयाँ उचाइमा लैजाने योजना छ?"

जसै होस्, लियोनार्डको एक पोस्टले फेरि एकपटक नेपाली क्रिकेटलाई विश्वभर चर्चाको केन्द्रमा त पुर्‍याइदिएको छ!