सोसल मिडिया
हाम्रो बारेमा
प्रयोगका सर्त
काठमाडौं:स्कटल्यान्ड ‘ए’विरुद्धको दोस्रो अभ्यास खेलमा नेपालले अघिल्लो खेलको तुलनामा सुधारिएको प्रदर्शन गरे पनि वर्षाले खेल नतिजाविहीन भएको छ।
अहमदाबादमा भएको खेलमा नेपालले पहिला ब्याटिङ गर्दै ४५ ओभरमा ९ विकेट गुमाएर २५३ रन बनाएको थियो। जवाफी ब्याटिङमा उत्रिएको स्कटल्यान्डले १३ ओभरमा ३ विकेट गुमाउँदै ६४ रन बनाउँदासम्म मौसमले खेलमा बाधा पुर्यायो। झरी नरोकिएपछि खेल रोकिएको र नतिजा आउन नसकेको हो।
पहिलो खेलको हारपछि सुधारिएको प्रदर्शन पहिलो अभ्यास खेलमा स्कटल्यान्ड ‘ए’ले दिएको २२१ रनको लक्ष्य पछ्याउने क्रममा नेपाल २९.४ ओभरमै ११० रनमा समेटिएको थियो। १०२ रनको लज्जास्पद हार पछि आजको खेलमा नेपाली टोलीले उत्कृष्ट पुनरागमन गरेको देखियो।
तीन अर्धशतक, सम्मानजनक स्कोर नेपालका कप्तान रोहितकुमार पौडेल, गुल्शनकुमार झा र भीम सार्कीले अर्धशतक प्रहार गर्दै टिमलाई सम्मानजनक स्कोरमा पुर्याए।
स्कटल्यान्डका जेम्स डकिनसनले २ विकेट लिए।
