सोसल मिडिया
हाम्रो बारेमा
प्रयोगका सर्त
काठमाडौँ : आईसीसी महिला टी–२० विश्वकप एसिया छनोटको समूह चरणमा वर्षाले अप्रत्याशित मोड ल्याइदिँदा नेपाली महिला क्रिकेट टोली ‘सुपर थ्री’ चरणमा प्रवेश गर्न सफल भएको छ।
शुक्रबार हङकङ र बहराइनबीचको अन्तिम खेल वर्षाका कारण बिना नतिजा सकिएपछि नेपाल र हङकङ दुवैको समान ५–५ अंक भए पनि नेपालले बढी जित निकालेको आधारमा समूह विजेता बन्दै अर्को चरणमा स्थान सुरक्षित गर्यो।
नेपालले ४ खेलमध्ये २ मा जीत, १ मा हार र १ खेल वर्षाका कारण बिना नतिजा खेलेको थियो। हङकङले भने ४ खेलमध्ये १ मा मात्र जीत हात पारेको थियो भने बाँकी ३ खेल नतिजाविहीन भएका थिए। यदि अन्तिम खेलमा हङकङले जीत निकालेको भए ऊ नै ६ अंकसहित समूह विजेता बन्दै अघि बढ्ने थियो।
समूह ‘बी’ को अंक तालिका:
सुपर थ्री चरण: विश्वकप ग्लोबल छनोटको ढोका : यस प्रतियोगितामा सहभागी ९ टोलीलाई तीन समूहमा विभाजन गरिएको थियो। प्रत्येक समूहको शीर्ष स्थान हासिल गर्ने टोली मात्र ‘सुपर थ्री’ चरणमा प्रवेश गरेका छन्। सुपर थ्री चरणमा ती तीन टोलीले एक–अर्काविरुद्ध प्रतिस्पर्धा गर्नेछन्। त्यसपछि अंकका आधारमा शीर्ष दुई टोलीले सन् २०२५ मा हुने आईसीसी महिला टी–२० विश्वकप ग्लोबल छनोट मा स्थान बनाउनेछन्।
नेपाल
संयुक्त अरब इमिरेट्स (यूएई)
थाइल्याण्ड
नेपालको सुपर थ्री खेल तालिका:
