ब्राजिल: फुटबलको मैदानमा गोल गर्न निकै संघर्ष गर्नुपर्छ, तर ब्राजिलियन 'बी' लिगको एउटा खेलमा भने फुटबल इतिहासकै एउटा दुर्लभ र अचम्मको दृश्य देखिएको छ। खेल सुरु भएको मात्र १९ सेकेन्डभित्र एउटा टोलीले विपक्षीको बललाई एक पटक पनि नछोई १–० को अग्रता लिन सफल भएको छ।

यो अनौठो घटना ब्राजिलियन क्लब 'स्पोर्ट रेसिफे' को डिफेन्समा भएको गम्भीर गल्तीका कारण सम्भव भएको हो। खेल सुरु हुने बित्तिकै विपक्षी टोलीका खेलाडीहरूले बललाई नियन्त्रणमा लिनुअघि नै स्पोर्ट रेसिफेका डिफेन्डरको तालमेल नमिल्दा बल सिधै आफ्नै गोलपोस्टभित्र छिरेको थियो। यो 'ओन गोल' (आत्माघाती गोल) का कारण विपक्षी टोलीले कुनै मिहिनेत र बललाई स्पर्श नै नगरी खेलमा अग्रता बनायो।

विश्व फुटबलमा यति छिटो र बिना कुनै टच गोल भएको घटना विरलै सुनिन्छ। यस रोचक र अप्रत्याशित सुरुवातले मैदानमा उपस्थित दर्शक र खेल प्रेमीहरूलाई मात्र होइन, सामाजिक सञ्जालमा पनि सबैलाई चकित पारेको छ। यो गोलपछि खेल निकै रोमाञ्चक मोडमा पुगेको थियो।