सोसल मिडिया
हाम्रो बारेमा
प्रयोगका सर्त
काठमाडौं:- अखिल नेपाल फुटबल संघ (एन्फा) ले उर्जन श्रेष्ठलाई नेपाली यु–२० पुरुष राष्ट्रिय फुटबल टोलीको मुख्य प्रशिक्षकमा नियुक्त गरेको छ। आगामी अन्तर्राष्ट्रिय प्रतियोगिताहरूलाई दृष्टिगत गर्दै एन्फाले श्रेष्ठलाई पुन: यो महत्वपूर्ण जिम्मेवारी सुम्पिएको हो।
एन्फा मुख्यालयमा आयोजित एक कार्यक्रमका बीच महासचिव किरण राईले नवनियुक्त मुख्य प्रशिक्षक श्रेष्ठसहित अन्य प्रशिक्षकहरूलाई नियुक्तिपत्र हस्तान्तरण गरे।
टोलीको प्राविधिक पक्षलाई मजबुत बनाउन एन्फाले सहायक प्रशिक्षक र गोलकिपर प्रशिक्षक पनि नियुक्त गरेको छ:
मुख्य प्रशिक्षक: उर्जन श्रेष्ठ
सहायक प्रशिक्षक: जितबहादुर पुन र मंगल महर्जन
गोलकिपर प्रशिक्षक: गंगाराम देउजा
नवनियुक्त प्रशिक्षक श्रेष्ठको काँधमा साफ यु–२० च्याम्पियनसिप २०२६ मा नेपाली टोलीलाई उत्कृष्ट नतिजा दिलाउने मुख्य भारी छ। यो प्रतियोगिता सन् २०२६ को २२ मार्चदेखि ३ अप्रिल (२०८२ चैत ९ देखि २१ गते) सम्म माल्दिभ्समा आयोजना हुँदैछ।
यसअघि पनि विभिन्न उमेर समूह र राष्ट्रिय टोलीमा सफल प्रशिक्षण दिइसकेका श्रेष्ठको अनुभवले माल्दिभ्समा हुने च्याम्पियनसिपमा नेपालले सशक्त प्रदर्शन गर्ने विश्वास लिइएको छ। प्रशिक्षक टोलीले अब छिट्टै खेलाडी छनोट र बन्द प्रशिक्षणको प्रक्रिया अगाडि बढाउनेछ।
