काठमाडौँ :विश्व नम्बर १ आर्यना सबालेंका फ्रेन्च ओपन टेनिस महिलातर्फको एकल फाइनलमा पुगेकी छन् ।

बिहीबार भएको सेमिफाइनल खेलमा उनले चार पटककी फ्रेन्च ओपन विजेता इगा स्वियातेकलाई ७‑६(१), ४‑६, ६‑० को सेटमा पराजित गर्दै फाइनलको यात्रा तय गरिन् । 
यो सबालेंकाको फ्रेन्च ओपनको पहिलो फाइनल हो, भने समग्रमा उनको छैठौँ ग्रान्ड स्ल्याम फाइनल हुनेछ। उनले क्वार्टर फाइनलमा पेरिस ओलम्पिक विजेता किनवेन झेंगलाई ७‑६(३), ६‑३ ले हराएकी थिइन्।

स्वियातेक पछिल्ला तीन संस्करण (२०२२, २०२३, २०२४) लगातार जितेर फ्रेन्च ओपन च्याम्पियन रहिएकी थिइन्। तर यसपटक उनको विजययात्रा सेमिफाइनलमै टुङ्गिएको छ।
अब फाइनलमा सबालेंकाको सामना विश्व नम्बर २ अमेरिकी खेलाडी कोको गौफसँग हुनेछ। गौफले फ्रेन्च वाइल्ड कार्ड खेलाडी लोइस बॉइसनलाई ६‑१, ६‑२ को सहज जित दिंदै फाइनलमा प्रवेश गरेकी हुन्। २१ वर्षीया गौफको लागि यो पहिलो फ्रेन्च ओपन फाइनल हो भने दोस्रो ग्रान्ड स्ल्याम फाइनल (पहिलो यूएस ओपन २०२३) हो।

पुरुष एकल सेमिफाइनल आज राति
पुरुष एकल सेमिफाइनल आज राति खेलिनेछ। पहिलो सेमिफाइनलमा डिफेन्डिङ च्याम्पियन कार्लोस अल्काराजले इटालीका लोरेन्जो मुसेटीसँग प्रतिस्पर्धा गर्नेछन्।

दोस्रो सेमिफाइनलमा २४ पटकका ग्रान्ड स्ल्याम विजेता नोवाक जोकोभिच र विश्व नम्बर १ यानिक सिनर आमनेसामने हुनेछन् ।