सोसल मिडिया
हाम्रो बारेमा
प्रयोगका सर्त
बिर्तामोड, झापा :बिर्तामोड चेस क्लवको आयोजनामा र किरात याक्थुङ चुम्लुङको सहआयोजनामा बिर्तामोड सिटी सेन्टरमा उभौली पर्व प्रथम राष्ट्रिय रेटिङ बुद्धिचाल प्रतियोगिता सुरु भएको छ।
प्रतियोगिताको पहिलो दिन सम्पन्न दुई चरणका खेलहरूमा नेपाल च्याम्पियन रुपेश जैशवाल, पूर्व च्याम्पियन नवीन तन्डुकार, राजन सुवेदी, पुरुषोत्तम चौलागाईं, झापाका प्रकाश नेपाल, ज्वाला लिम्बू, पाँचथरका रिसोन थापा र महेन्द्र साम्वाहम्फेले लगातार दुई खेल जित्दै २ अंक जोड्न सफल भएका छन्।
मुख्य खेल परिणामहरू:
रुपेश जैशवालले नारायण खतिवडालाई पराजित गर्दै दोस्रो चरण जिते।
नवीन तन्डुकारले दिनेश भट्टराईलाई हराए।
राजन सुवेदीले सप्तरीका सूर्य नारायणदासमाथि विजय हासिल गरे।
पुरुषोत्तम चौलागाईंले प्रतिमा बास्कोटालाई पराजित गरे।
अन्य उत्कृष्ट खेलाडीहरू: अविरल राई, विश्व विजय घिमिरे, कृतिसारा अधिकारी, राजेन्द्र राई, मुहान नर्सिङ श्रेष्ठ, राजन कुमार पोखरेल, हिमाल राई, चूडामणि राई, राजन पुरी (ललितपुर), सरोज महर्जन, सुमन श्रेष्ठ (झापा), लोक सागर साम्बा, उमेश राई (मोरङ), लक्ष्मीप्रसाद कन्दङवा (तेह्रथुम) लगायतले पनि दुबै खेलमा सफलता हात पारेका छन्।
उद्घाटन समारोह: प्रतियोगिता बिर्तामोड चेस क्लवका अध्यक्ष नारायण राईको अध्यक्षतामा सुरु गरिएको हो। कोशी प्रदेशका सामाजिक विकास मन्त्री पाँचकर्ण राई र नेपाल बुद्धिचाल महासंघका अध्यक्ष हेराकाजी महर्जनले चेसको चाल चल्दै प्रतियोगिताको संयुक्त उद्घाटन गरे।
प्रमुख अतिथि पाँचकर्ण राई, उपप्रमुख तथा महासंघ अध्यक्षले प्रतियोगिता सफलताको शुभकामना व्यक्त गरे। निर्देशक ज्वाला लिम्बूले स्वागत मन्तव्य दिएका थिए।
पुरस्कार तथा सहभागिता:
प्रतियोगिता ९ चरणको स्वीस लिग प्रणालीमा तीन दिनसम्म सञ्चालन हुनेछ।
विजेताले ५१ हजार, उपविजेताले ३५ हजार, तेस्रो हुनेले ३० हजार रुपैयाँ नगद पुरस्कार जित्नेछन्।
कुल ३ लाख ३५ हजार ५ सय रुपैयाँ पुरस्कार राशी रहेको प्रतियोगितामा ३७ जिल्लाका १३१ जना खेलाडी सहभागी छन्।
