सोसल मिडिया
हाम्रो बारेमा
प्रयोगका सर्त
काठमाडौं :साफ महिला फुटसल च्याम्पियनसिपमा नेपालले मंगलबार (पुस २९) श्रीलंकासँग खेल्दै छ ।
यो नेपाली राष्ट्रिय महिला फुटसल टिमले खेल्न लागेको पहिलो औपचारिक प्रतियोगिता हो ।
त्यसैगरी, दक्षिण एसियाली फुटसल महासंघ (साफ)को इतिहासमै पहिलोपटक प्रतियोगिता आयोजना भएको फुटसल प्रतियोगिता हो ।
खेलमा दुवै टोली विजयी सुरुआतको खोजीमा हुनेछ ।
थाइल्यान्डको बैंककस्थित नोन्थाबुरी रंगशालामा हुने यो खेल नेपाली समयअनुसार ६ः४५ बजे हुनेछ । प्रतियोगिताको निम्ति मुख्य प्रशिक्षक विक्रम महर्जनको नेतृत्वमा टोली पुस २५ गते थाइल्यान्ड प्रस्थान गरेको थियो ।
प्रतियोगितामा नेपालसँगै भारत, भुटान, माल्दिभ्स, पाकिस्तान, बंगलादेश र श्रीलंका गरी साफका सातवटै राष्ट्रको सहभागिता रहनेछ ।
‘सिंगल राउन्ड रोबिन’ प्रणालीअनुसार हुने यो प्रतियोगिताको शीर्ष टोलीले उपाधि उचाल्नेछ ।
